Teksa ka nisur faza e dytë e lehtësimit të masave, mjeku Pëllumb Pipero thotë se ka vënë re se njerëzit nuk po respektojnë masat e distancimit social dhe se grumbullohen kur dalin.
Mirëpo, sipas mjekut takimi i njerëzve me të afërmit dhe miqtë në rrugë dhe grumbullimi më pas 3-4 veta për biseda është një moment i keq për përhapjen e infeksionit.
“Unë besoj që përgjithsisht çedohet te dëshira e njerëzve për të ndaluar dhe të bëhen 3-4 veta bashkë dhe të bëjnë muhabet. Ky është momenti më i keq për të transmetuar sëmundjen sepse nëse njëri nga ne e ka, infekton të tjerët. Ndaj është shumë e rëndësishme distanca fizike. Pra ndalojnë 3-4 veta dhe bëjnë muhabet. Por virusi mund të transmetohet dhe nga spërklat më të vogla”.
Sipas tij, rreziku më i madh dhe frika më e madhe ka të bëjë me kontaktet fizike të njerëzve.
Më tej, Pipero shtoi se nuk ka nevojë mbajtja e maskave, apo e dorezave kur janë pjesëtarë të së njëjtës familje, ndërsa shtoi se e detyrueshme është mbajtja e maskës në ambiente publike, sikurse është transporti urban, apo mjedise me shumë njerëz, ku duhet të qëndrosh për shumë kohë me persona të tjera.
Sipas Piperos, hapja graduale është me efektive se hapja e shpejtë e vendit, por shton se duhet pasur vetëm kujdes nga të gjithë, sepse virusi vijon të qarkullojë.
Më herët, Pipero tha se shqiptarët mund të shkojnë në plazh sepse nuk ka asnjë problem për frekuentimin e tyre pasi as uji, dhe as rëra nuk përbëjnë rrezik për infektimin e pushuesve.
LEXO: Do shkojmë në plazh këtë verë? Pipero jep lajmin e “keq” për të rinjtë
