Masat drastike që qeveritë e shumë vendeve përfshi edhe të Shqipërisë po ndjekin për të frenuar përhapjen e koronavirusit, po jep ndikime të një pas njëshme edhe tek fëmijët.
Mbyllja në shtëpi, izolimi, karantina e zgjatur, apo mospasja mundësi për të shkuar në mal apo në det, ka bërë që shumë fëmijë të përjetojnë “trauma të heshtura” që i bëjnë të humbasin shumë aftësi.
Disa fëmijë të vegjël kanë harruar se si të hanë me thikë dhe pirun, ndërkohë që të tjerë i janë rikthyer sërish pelenave ndërsa pandemia e koronavirusit dhe mbylljet e shkollës që lidhen me të, ndikojnë në mësimin e të rinjve, tha të martën vëzhguesi i arsimit në Mbretërinë e Bashkuar.
Zyra për Standardet në Arsim, Shërbimet e Fëmijëve dhe Aftësitë, e njohur si “Ofsted”, publikoi pesë raporte bazuar në gjetjet nga më shumë se 900 vizita në arsim dhe ofruesit e kujdesit shoqëror në të gjithë Anglinë që nga shtatori.
Disa nga fëmijët më të prekur nga çrregullimet e pandemisë ishin që ata në vitet e tyre më të hershme të arsimit, “përjetuan tronditjen e dyfishtë të kalimi me më pak kohë me prindërit dhe me më pak kohë me fëmijët e tjerë”,- tha kryeinspektorja Amanda Spielman.
Ajo tha se, mësuesit raportuan se disa fëmijë të përgatitur për të përdorur tualetin, kishin nevojë të përdornin përsëri pelena dhe “të tjerët që kishin harruar disa aftësi themelore që kishin zotëruar, si ngrënia me thikë dhe pirun – për të mos përmendur humbjen e përparimit të bërë në fjalë dhe numra”.
/Burimi: BBC/ GazetaReforma.com/
