Ditën e sotme qytetarë të shumë dhe aktivistë të shoqërisë civile, protestuan sërish në sheshin “Skënderbej”, kundër vijimit të izolimit për shkak të COVID-19.
Sapo qytetarët janë grumbulluar, policia ka ndërhyrë menjëherë dhe ka shpërndarë protestën me dhunë.
Sipas “Dosja.al”, janë shoqëruar në polici avokati Altin Goxhaj, aktivisti Arben Kola dhe juristja Ira Kurti.
Gjatë shoqërimit të protestuesve turma thërriste në kor: “turp”, “turp”.
Juristja Ira Kurti ndërkohë nuk është ndjerë mirë dhe është shoqëruar me ambulancë në spital.
Në këtë moment turma shpërtheu në thirrje në drejtim të presidentit Ilir Meta.
“Ku e ke president Kushtetutën? Merreni me gra”,-ishin disa nga thirrjet e aktivistëve
Kjo është protesta e dytë brenda pak ditësh që shpërndahet me forcë nga policia.
Vetëm dy ditë më parë, u shoqëruan në polici për shkak të protestës ndaj masave të marra, 3 aktivistë, midis të cilëve edhe Sazan Guri.
Kujtojmë se me VKM, qeveria ka ndaluar grumbullimin e 5 ose më shumë personave.
