Kryeministri i vendit, Edi Rama ka publikuar në rjetet sociale një video e cila është realizuar nga televizioni publik “France 2”.
Me anë të këtij video-reportazhi televizioni francezë i ftonë të gjithë shikuesit që të zbulojnë Shqipërinë, ose siç e quajnë ndryshe ata “Tajlandën e vogël në Europë. Në videon e publikuar shfaqen pasurit e bukura natyrore të Shqipërisë. Me anë të këtij reportazhi kryeministri i vendit i uron të gjithëve një ditë të mbarë.
“Kudo që të ndodheni deti dhe malet janë përpara syve tuaj. Në horizont, kështjella mbi shpate të thepisur. Në bregdet, një det akuamarinë, 4 orë nga Parisi, Shqipëria, një destinacion lehtësisht i arritshëm në Europë. E mbiquajtur si “Tajlanda e Vogël” nga banorët, gjendemi në Ksamil me ujin e tij ngjyrë gurkali, një plazh shumë i preferuar nga turistët.”, në këtë mënyrë nis reportazhi i dedikuar Shqipërisë së bukur.
Në video paraqiten edhe disa turistë, të cilët shprehen të kënaqur më veçantitë e natyrës së vendit tonë.
“Uji i detit është fantastik. Ngjyra është si në Maldive.”, u shpreh një prej turistëve që po pushtonte në Ksamil. Në video theksohet fakti se Shqipëria është një vend i vizituar nga shumë turistë, duke shprehur me statistika se në 2019-tën, priti më shumë se 6.5 milionë, dy herë më shumë se 15 vite më parë. “Shqipëria ndjek rrugën e turizmit prej disa vitesh. Është një vend ballkanik që i ofron turistëve peizazhet e fundit të paeksploruara të Mesdheut e që mbeten ende dhe sot, një destinacion i lirë.”, përfundon videoja.
