Kryeministri Edi Rama ndodhet në Nju Jork të SHBA-së, që prej ditës së shtunë për të bërë të mundur sigurimin e vaksinës anti-covid.
Kreu i Qeverisë është fotografuar në rrugët e Nju Jork-ut, teksa shihet me maskën që mban dhe në Tiranë, me trëndafil dhe PS.
Krahas Ramës shihet këshilltari i tij Endri Fuga dhe dy shoqëruese.
Para nisjes, përmes një postimi në Twitter, kryeministri i vendit, Edi Rama njoftonte se po shkon drejt Shteteve të Bashkuara për të siguruar vaksinën anti-Covid në Shqipëri, paralelisht me vendet e tjera.
Sipas tij, kontakti sy me sy me prodhuesit e saj është për këtë qëllim.
“Sigurimi i vaksinës sa më parë është një prioritet i luftës sonë kundër Armikut të Padukshëm dhe s’do lemë gur pa luajtur që vaksina të fillojë të vijë sa më parë në Shqipëri! Kontakti sy më sy me prodhuesit e vaksinës i shërben këtij qëllimi. Rrugës për në Shtetet e Bashkuara”, shkroi Rama.
/GazetaReforma.com/
