Ish Presidenti i Bankës Qendrore Evropiane Mario Draghi ra dakord ditën e sotme të përpiqet të formojë qeverinë e re italiane.
Draghi, i cili nuk është anëtar i ndonjë partie politike, u thirr nga Presidenti Sergio Mattarella pasi bisedimet që synonin rindërtimin e qeverisë së mëparshme të koalicionit përfunduan me dështim. Aleanca 15-mujore e udhëhequr nga demokratët e qendrës së majtë dhe lëvizja populiste “5 stelle” u shemb pasi ish-kryeministri Matteo Renzi tërhoqi partinë e tij Italia Viva nga qeveria për ndryshimet në planin e rimëkëmbjes ekonomike. Draghi, një ekonomist i cili mendohet të drejtojë zonën e euros përmes krizës së borxhit sovran, tha se ai e pranoi mandatin nga Mattarella “përkohësisht”.
Draghi tha se Mattarella i kujtoi atij “momentin e vështirë që Italia po përballet me krizën shëndetësore dhe ndikimin e saj shumë serioz mbi njerëzit, ekonominë dhe shoqërinë italiane”. Detyrat e menjëhershme për qeverinë e ardhshme janë “të mposhtin pandeminë, të përfundojnë fushatën e vaksinimit, të japin përgjigje për njerëzit dhe të rinisin vendin,” tha Draghi. “Ne kemi burimet e BE-së, të cilat janë një mundësi e shkëlqyeshme për të bërë shumë për brezin e ri dhe për të forcuar kohezionin shoqëror.”
Mattarella i bëri thirrje Draghit të caktojë një “qeveri të profilit të lartë” pasi zgjedhjet nuk mund të mbaheshin të sigurta gjatë pandemisë dhe do të çonin në humbje muajsh kur Italia ka nevojë për një qeveri “plotësisht funksionale”. Nuk është ende e qartë se cilat forca politike mund të mbështesin një qeveri Draghi. Demokratët, Italia Viva dhe partia Forza Italia e Silvio Berlusconi kanë treguar një gatishmëri për ta mbështetur atë, dhe Matteo Salvini, udhëheqësi i Lidhjes së krahut të djathtë, nuk ka përjashtuar dhënien e mbështetjes së tij. Por ”5 stelle”, partia më e madhe në parlament, janë të përçarë dhe rrezikojnë të ndahen nëse do të mbështesin një qeveri teknike.
Nuk është e qartë nëse Draghi do të favorizonte një qeveri të teknokratëve, siç bëri Mario Monti në 2012, ose përfshinte disa figura politike për të rritur mështetjen nga partitë. Draghi tha se ai do të fillojë konsultimet me forcat politike dhe “beson se do të tregohet unitet.”
Politico.eu
