Në ditën e 18-të të luftës në Ukrainë, kryeministri britanik, Boris Johnson mbajti një telefonatë me presidentin ukrainas, Volodymyr Zelensky.
Sipas mediave të huaja në këtë bisedë, Johnson ka dënuar veprimet e Putinit dhe tha se Britania do të vazhdojë të ndjekë opsionet për të forcuar vetëmbrojtjen e Ukrainës.
“Kryeministri tha se veprimet barbare të Putinit po testonin jo vetëm Ukrainën, por gjithë njerëzimin”, thuhet në leximin.
Ndërkohë sipas raportimeve, Johnson ka thënë se Britania e Madhe do të jetë në krah të Ukrainës, e do të bëjë të gjitha përpjekjet për t’i dhënë fund konfliktit.
Kujtojmë që gazetari i “New York Times”, Brent Renaud u vra nga rusët në Irpin të Ukrainës këtë të diel, ndërsa dy gazetarë të tjerë që ishin me të mbetën të plagosur.
Një këshilltar i lartë i presidentit ukrainas Volodymyr Zelensky, Podoliak Belta tha se bisedimet e mëtejshme midis Rusisë dhe Ukrainës mund të zhvillohen javën e ardhshme mes datave 14-15 mars.
Këshilltari amerikan për Sigurinë Kombëtare, Jake Sullivan tha sot në lidhje me qëndrimin bërthamor të presidentit rus Vladimir Putin se nuk është bërë ndonjë gjë që SHBA të ndryshojë qëndrimin e saj bërthamor. “Ne po e shikojmë këtë jashtëzakonisht nga afër, dhe padyshim, rreziku i përshkallëzimit me një fuqi bërthamore është i rëndë dhe është një lloj konflikti i ndryshëm nga konfliktet e tjera që populli amerikan ka parë gjatë viteve,” i tha Sullivan.
