Aktualisht shembja e Teatrit Kombëtar është një nga çështjet më të nxehta.
Mbrëmjen e sotme u raportua se Këshilli Bashkiak i Tiranës ka vendosur shembjen e Teatrit Kombëtar ditën e sotme, ndonëse kreu i Bashkisë deklaroi sot se mbledhja do zhvillohej të hënën.
LEXO: Pa pritur e pa kuptuar! Bashkia vendos shembjen e Teatrit Kombëtar
Nga ana tjetër Aleanca për Mbrojtjen e Teatrin, qytetarët dhe opozita ndodhen në ambientet e Teatrit Kombëtar, të cilin janë zotuar ta mbrojnë deri në fund.
Kryetarja e LSI Monika Kryemadhi ka hedhur akuza të forta ndaj Këshillit Bashkiak të Tiranës për vendimin për shembjen e Teatrit Kombëtar, ndërsa ka paralajmëruar drejtpërdrejt kryeministrin Rama dhe kryebashkiakun Veliaj.
Në një lidhje direkte për “Open” Kryemadhi tha se nëse një pikë gjak derdhej në sheshin e Teatrit do të ishte “kokë më kokë” me Ramën dhe Veliajn.
“E kam lënë amanet. Një pikë gjaku u derdh në atë shesh, do jetë kokë më kokë. Kokë më kokë. Me Edi Ramën dhe Erion Veliajn. Ska nevojë as për 100 njerëz as për 400. Por e thash një pikë gjaku po u derdh në atë shesh do jetë kokë më kokë me Edi Ramën dhe Erion Veliajn”, tha kryetarja e LSI Monika Kryemadhi.
Kujtojmë se mbrëmjen e djeshme numri 1 i LSI hodhi akuza të forta ndaj ndërkombëtarëve duke u shprehur se janë peng i politikës dhe tha se nuk paguajnë asnjë taksë, por fitojnë më shumë kur jetojnë këtu.
Kryemadhi u shpreh se presidentit Meta, njëherësh edhe bashkëshortit të saj, i ka ardhur në majë të hundës nga ndërkombëtarët dhe paralajmëroi se nëse shpërthen do të thotë se nuk duron dot më.
LEXO: Kryemadhi paralajmëron ndërkombëtarët: Metës i ka ardhur në majë të hundës, po shpërtheu ai…
