Mesa duket Meta dhe Kryemadhi nuk përputhen në shumë mendime dhe për këtë ka folur hapur.
Nga studio e Opinion, Kryemadhi ka treguar çfarë mendon Ilir Meta si individ dhe si jo si president, ku ka përmendur edhe djegien e mandateve. Kryemadhi ka thënë se nëse do ishte Meta ai që do ishte duke drejtuar LSI-në nuk do t’i kishte djegur mandatet.
“Ilir Meta është njeri i institucioneve, dhe nëse ai ishte kryetar i LSI nuk do i kishte djegur mandatet. Jam dakord me qëndrimin e Ilir Metës, nëse përballë do të kishim një njeri që dëgjon, jo një të çmendur” tha Kryemadhi.
“Shumë njerëz zhgënjehen nga deklaratat e mia. Normal që zoti Meta do jetë i pakënaqur me vendimet radikale të LSI, sepse LSI ka qenë për Edi Ramën si një valvul shkarkimi e tensionit dhe konfliktit. Ilir Meta gjithmonë i ka krijuar shanse dhe mundësi Edi Ramës për të kaluar ngërçet kur ka bërë gafa të tilla. Por unë mendoj që fenomeni Edi Rama duhet të mbarojë tashme jo vetëm për Edi ramin por për çdo njeri tjetër që kërkon të ndërtojë një institucion të liderit të fortë”, theksoi më tej Kryemadhi.
Ju nuk jeni dakord me deklaratat e Presidentit?
“Absolutisht nuk jam dakord me deklaratat e Presidentit. Ai ka shumë të drejtë për atë që mendon dhe ky është opinioni i tij, por ajo që unë mendoj është që presidenti duhet të marrë përgjegjësitë e tij ku është vendi sot”.
