Ditën e sotme deputetja e Paertisë së Lirisë, Monika Kryemadhi ka bërë një deklaratë të fortë, duke u shprehur se ndihet e kërcënuar për shkak se ka ngritur zërin në mënyrë të vazhdueshme në lidhje me aferën e inceneratorëve.
Kryemadhi deklaroi në një emision në “News 24” se familjarë të njerëzve të cilët janë “koka” e aferës së inceneratorëve kanë më shumë se 1.5 vite që janë në kërkim për të dhe vet familjarët e saj.
Kryemadhi u shpreh se ka qenë e informuar për çdo hap të Lefter Kokës, Mirel Mërtirit i cili është quajtur nga SPAK si “truri i inceneratorëve” dhe Alqi Bllakos.
Më tej ajo theksoi se shumë deputetë të PS-së kanë folur për aferën e inceneratorëve dhe kanë nxjerr informacione lidhur me të.
“Në lidhje me “Inceneratorët” unë do vijoj. Do ta vazhdoj betejën deri në fund. Funksionimi i sistemit, arroganca dhe arbitrariteti me fondet e qytetarëve, tregon se si përveç kontrollojnë drejtësinë, përdorin edhe “ligjin në dorën e Maliqit. Kam më shumë se 1.5 vite që kam dijeni se familjarë të Kokës, Bllakos, Mertirit, janë në kërkim për mua dhe familjarët e mi. Kam qenë e informuar për çdo hap të tyre. E kam ditur, e di që edhe shumë deputetë të PS u ka dalë fjala, pra u ka rrjedhur informacion”, tha ajo.
