Mesa duket raportet e Kryemadhit me ndërkombëtarët nuk janë në ditët e tyre më të mira dhe njëjtë si Flackenstein foli hapur në intervistën për Top Channel ka vepruar edhe Kryemadhi disa minuta më parë.
Nga studio e emisionit “Të Pa Ekzpozuarit”, Kryemadhi ka hedhur akuza të forta ndaj ndërkombëtarëve duke thënë se kanë bërë pazare për të shtyrë qëndrimin e tyre në vend.
Dhe nuk kishin si të mungonin edhe akuzat ndaj kryeministrit, të cilin për të disatën herë e ka quajtur si “kokën e krimit të organizuar”.
“Ne kërkojmë standarde dhe vlera për të cilin ju na flisni dhe keni në vendin tuaj. Koka e krimit të organizuar është Edi Rama. Kjo i dhembte shumë Fleckenstienit.
Asnjëri nga ne nuk është prokuror e gjykatës. Thashetheme ka sa të duash. Unë kam informacion, por nuk i faktoi dot sot, por di që ka nisur një investigimi për një euro deputet që është i përfshirë në koncesione në shishe plastike.
OSEB Ka dhjetë vite që bën pazare me qeverinë shqiptare për të shtyrë misionin e saj në Shqipëri. Ata flasin për të drejtat e homoseksualeve, jo më për zgjedhjet. Nuk duhet të merremi më me ta. Sa më shumë rrëmujë të ketë në Shqipëri aq më të larta i kanë rrogat ata. Ndërkombëtarët janë një element periferik në Shqipëri”, tha Kryemadhi.
