Ditën e sotme kryeministri i vendit Edi Rama ka mbërritur në Austri, pasi nesër do të zhvillohet mbledhja e Këshillit Special të OSBE-së për krizën në Bjellorusi.
Gjatë ditës së sotme Rama takoi zv/sekretarin amerikan të Shtetit i cili është njëkohësisht edhe i dërguari i SHBA për Bjellorusinë, Stephen Biegun.
Në një intervistë për mediat shqiptare, Rama foli për rolin e OSBE-së në krizën në Bjellorusi, mesazhin e dërguar ndaj Milo Gjukanoviçit dhe kërkesën e Greqisë për t’u zgjeruar me 12 milje në detin Jon. Rama u shpreh se ishte krenar për rolin e Shqipërisë në negociatat për zgjidhjen e krizës në Bjellorusi por që u shpreh se ende nuk kishin marrë një përgjigje nga presidenti Aleksandër Lukashenko.
Gjithashtu në lidhje me zgjerimin e detit nga Greqia, kreu i qeverisë u shpreh se ishte një e drejtë e vendit fqinjë. Por kryeminstri Rama nuk la pa komentuar edhe deklaratat e opozitës dhe arsyen e mesazhit të dërguar për zgjedhjet që do të zhvillohen pas 3 ditësh në Malin e Zi.
PJESË NGA INTERVISTA E RAMËS NË VJENË:
Edi Rama: Bëhet fjalë për të krijuar një mundësi komunikimi, pasi çdo ditë mund të shkojmë drejt një konflikti. nuk bëhet fjalë për një punë që lidhet me një organiozatë dhe me një grup të tërë njerëzish. Iniciativa jonë, ishte në një moment të vështirë shumë ka marrë mbështetje të plotë në të gjitha nivelet. Nuk është refuzuar por është mbështetur në një rezervë nga Rusia.
A keni përgjigje nga Lukashenko?
Edi Rama: Natyrisht që jo. Do kishim shkuar në Minsk. Kjo është detyra dhe puna e OSBE-së.
Edi Rama: Jo, sepse kemi preferuar që të mbajmë pozicion të barazlarguar nga të dyja palët. I kemi dërguar letër sepse duhet aprovim ndryshe nuk mund të shkohet. Ose mund të shkohet por vetëm për të bërë selfie në protestë por kjo nuk është detyra dhe puna ime. Jemi këtu për të krijuar kushtet për të lehtësua komunikimin. Kjo çështje i takon popullit Bjellorus. Bjellorusia është anëtare e kësaj organizate.
Deklarata e Mitsotakis?
Edi Rama: Kjo është një marrëzi dhe poshtërsia më e madhe që mund të imagjinohet. Sepse deklarata nuk ka lidhje me marrëveshjen me Shqipërinë. Marrëzi sepse shtyrja e deklaruar nga kryeministri 6 milje nuk është në ujërat e Shqipërisë. Por ushtrimi i një të drejtë në konventën e detit në vitin 1982. Shqipëria e ka ushtruar pa pyetur Greqinë në vitin 1990. Edhe Shqipëria është shtrirë. Kufiri detar mes dy vendeve nuk është si gardh mes parcelave. Mes parcelave ujore ka një zonë të ndërmjetme dhe shtrirja në atë zonë është një e drejtë që buron nga konventa. Nuk ka lidhje me Marrëveshjen, ne kemi diskutuar me parë dhe jemi të gatshëm të diskutojmë edhe sot. Askush , as Greqia apo Shqipëria nuk thotë se nuk ushtron dot këtë të drejtë. si të thuash rruga në mes trotuaresh nuk është pjesë e të drejtës tonë për të qëndruar aty.
Mesazhi për Gjukanovicin? A erdhi reagimi për partitë shqiptare vetëm prej debatit që u shkaktua?
Edi Rama: Ne kemi bërë përpjekje për t’i bashkuar faktorët atje. Cakaj ka punuar me ta intensivisht. Mesazhi i sotëm m’u kërkua nga partia simotër dhe ishte bindja ime. M’u kërkua nga Gjukanovic. Nëse do u bëja thirrje shqiptarëve për të mos votuar për listën shqiptare mesazhin do ta bëja shqip, sikur e bëra sot. Partneriteri i shqiptarëve me Gjukanovic është me rëndësi strategjike.
