Qeveria greke ka deklaruar se do të nisë një program masiv armatimi pas krizës me Turqinë në pjesën e Egjeut Lindor.
Mediat greke kanë raportuar se qeveria greke e Mitsotakisit ka bërë gati 10 miliardë euro për një program armatimi i cili do të zgjasë katër vite.
Porogrami ushtarak ndërkohë do të ketë për qëllim kapacitetet e këmbësorisë, forcave ajrore dhe marinës.
Për shkak të këtij programi, Greqia kërkon të blejë katër fregata të reja detare nga Franca, për të balancuar forcat detare ndaj Turqisë në Egje.
Nga ana tjetër Ankaraja zyrtare, gjatë dhjetë viteve të fundit ka investuar shumë në marinë, duke rritur kapacitetet e saj kundrejt Greqisë.
Më herët ishte njoftuar blerja e 18 avionëve të gjeneratës 4.5 “Rafale”, po nga Franca, gjë e cila sipas “Forbes” do të përbëjë një problem të madh për forcat ajrore turke në Egje.
Kujtojmë se Greqia dhe Turqia janë në një përplasje të fortë diplomatike dhe në terren, për shkak të pretendimeve mbi Zonën Ekskluzive Ekonomike përreth ishujve të kontestuar mes tyre.
Media prestigjioze amerikane CNN, në degën e saj në Greqi, ka paralajmëruar një situatë të rrezikshme që mund të çojë edhe në një luftë të mundshme mes dy shteteve të NATO-s.
