Pjesa më e madhe e bizneseve në vendin tonë, pas shpërthimit të COVID-19 kanë qëndruar të mbyllur.
Me lehtësimin e masave, disa prej tyre kanë nisur hapjen graduale, por një prej sektorëve më fitimprurës, ai i lokaleve, vijon të jetë i pezulluar.
Qeveria ka paralajmëruar hapjen e tyre pas 18 majit, por vetëm për restorantet dhe baret në natyrë, çka nënkupton se një pjesë e madhe e tyre do të nisin modifikimet për t’u përshtatur me rregullat e reja dhe rrjedhimisht me shpenzime të mëdha.
“Iconstyle.al”, në një komunikim me përfaqësuesin e shoqatës së bareve dhe restoranteve, mësoi se kriza ekonomike do t’i shkaktojë një dëm të madh këtij sektori.
Parashikohet që 30-50% e këtyre bizneseve do të duhet të mbyllin dyert, pasi nuk do të mund të mbulojë dot shpenzime.
Kjo situatë do të ndikojë edhe në xhepat e punëtorëve, pasi përkthehet në një ushtri të papunësh.
Edhe pse pronarët janë përpjekur të moas largojnë të punësuarit nga puna, sidomos ata që kanë vite dhe janë familjarizuar, në rast se sdo të kenë mbështetje nga qeveria, do të detyrohen të bëjnë shkurtime.
Shqetësim tjetër i ngritur nga pronarët e bizneseve të këtij sektori, është edhe kufizimi i orarit, pasi edhe pas rifillimit të aktivitetit, do të duhet të qëndrojnë hapur deri në orën 17:30.
Mësohet se shoqata e bareve, restoranteve dhe club-eve, pasi ka ngritur disa herë zërin, do të do të dalë sërish në një deklaratë
“Shoqata do të dalë sërish me një deklaratë që po merr formën e një proteste virtuale, për të kërkuar rishikim të kufizimit të orarit”, tha përfaqësuesi i shoqatës.
Ndërsa kreu i sektorit të hoteleve, Zak Topuzi, i bëri thirrje qeverisë për një paketë të 3-të urgjente për baret dhe restorantet, të cilët janë goditur nga pandemia.
Shoqata ka zhvilluar një takim me ministrin e Sipërmarrjes, Eduard Shalsi, ndërsa në jaëvt në vazhdim pritet të takohen me ministrin e Arben Ahmetaj dhe ministren e Financave, Anila Denaj, duke shpresuar t’i japin një zgjidhje kësaj situate të rëndë.
