Pasditen e sotme Kryeministri Edi Rama u është përgjigjur interesit të gazetarëve nëse ka mundësi që presidenti i ri të jetë politik.
Rama dhe se nuk është vendosur asnjë kriter. I vetmi kriter tha ai është që kandidati të mos jetë nga grupi parlamentar i PS.
Pyetje: Mund ta rishikojë PS kriterin që Presidenti mos të jetë aktiv në politikë?
Rama: Ne nuk kemi kushtëzuar askënd ne thjesht kemi thënë që kandidati për President nuk do të jetë nga grupi ynë parlamentar. Nuk kemi vënë kushte të tjera dhe aq më pak të kushtëzojmë të tjerët. Kur hedh vështrimin në lëndinat e tjera të parlamentit aty është veshtire të identifikosh ndonjë kandidat të mundshëm.
Nëse ata kanë ndonjë që ne nuk e kemi parasysh që është aktualisht në parlament dhe plotëson nevojat që ka vendi për president të na e thonë cili është dhe mbase në kaq vite ka mbetur ndonjë figurë e pazbuluar, por nga sa ne i shohim janë jo vetëm të zbuluara, por edhe të pambulueshme.
Mes të tjera, kryeministri tha se nëse edhe në raundin e katërt nuk do jetë propozuar asnjë emër nga opozita për kandidatët për kreun e shtetit, atëherë mazhoranca do të ushtronte mandatin për ta zgjedhur vetë.
“Nuk kemi nevojë të bëjmë asnjë testim sepse nuk i kemi votat dhe nuk ka nevojë të bëjmë testime për të parë që nuk i kemi votat. Do presim deri në fund me durim, nëse do ketë një dëshirë deri në fund nga pala tjetër, nuk do mbetemi pa ezauruar atë mandat shumë të qartë që na e jep kushtetuta.
Nuk kemi me kë të negociojmë, megjithatë presim, nuk është e nevojshme t’i ndajmë ne se kush është kush. Dihet se kë refuzojmë ta marrim në konsideratë për çdo arsye”, tha Rama.
