Identiteti i autorit dhe viktimës në ngjarjen e rëndë në Durrës është zbuluar. Autorja është Hygerta Meta, ndërsa viktima është identifikuar si Pëllumb Meta.
Në një njoftim nga policia, bëhet me dije se më 13 shkurt rreth orës 22:30, shtetasi H. M., 25 vjeç, banues në fshatin Shënavlash, ka njoftuar Policinë se kishte humbur kontaktin me babain e tij, shtetasin P. M., 50 vjeç, banues në Shënavlash, Durrës. Pas hetimeve, u zbulua se vajza e 50-vjeçarit kishte kryer vrasjen e tij me armë zjarri në banesë dhe më pas e kishte varrosur në oborr.
Ngjarja është shpjeguar nga një konflikt mes vajzës dhe babait, ku ky i fundit kishte dëshiruar të fejonte 19-vjeçaren, duke sjellë tensione që çuan drejt tragjedisë. Mësohet se 19-vjeçarja studionte në fakultetin e ekonomisë në Tiranë.
