Një ngjarje e rëndë ka ndodhur mesditën e kësaj të mërkure në Paskuqan. Një person i identifikuar si Dan Hutra ka vrarë me armë zjarri 2 persona dhe ka plagosur 2 të tjerë. Personi që shihni në foto është autori i dyshuar i ngjarjes së rëndë ndodhur sot në Tiranë.
Sipas informacioneve paraprake Kuta ka zbrazur kallashnikovin në drejtim të familjarëve të ish-gruas së tij, përkatësisht Mevlute Hysa 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses) duke i lënë të vdekur dhe ka plagosur ish gruan Elena Hysa, 35 vjeçe,dhe ish vjerrën e tij Kujtime Hysa.
Sakaq, autori është larguar nga vendi i ngjarjes dhe mësohet se ka pasur të shkuar kriminale, pasi kishte 2 javë që ishte liruar nga burgu.
Është identifikuar një nga viktimat e krimit në Tiranë. Balkanëeb mëson se ka humbur jetën Etleva Kurti, motra e ish-gruas së autorit, dhe ka mbetur e plagosur Kujtime Hysa.
Autori i ngjarjes është Ramazan Kuta, i cili është shpallur në kërkim.
Mësohet se çifti kishte dy fëmijë
Paskuqan, Tiranë/Informacion paraprak
Më datë 01.03.2023, rreth orës 12:30, në rrugën “Rustem Haklaj”, në Kodër-Kamzë, shtetasi Dan Hutra, rreth 40 vjeç, ka plagosur me armë zjarri shtetaset Elena Hysa, 35 vjeçe, dhe Kujtime Hysa, 60 vjeçe (ish-bashkëjetuesja e tij dhe nëna e saj) dhe ka vrarë me armë zjarri shtetaset, Mevlute Hysa 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses).
Autori i dyshuar është shpallur në kërkim dhe vijon puna për kapjen e tij. Do të ndajmë me publikun foton e autorit të dyshuar dhe mirëpresim çdo informacion për vendndodhjen e tij.
