Kryetari i Komunës së Luginës së Preshevës, Shqiprim Arifi, është shtruar në Spitalin e Nishit, pasi ndodhet në gjendje të rëndë shëndetësore.
Me anë të një postimi në rrjetin social “Facebook”, Arifi ka treguar se edhe pse disa ditë më parë ka bërë testin e Covid dhe i ka rezultuar negativ, sërish ndodhet në gjendje të rëndë dhe dyshon se është prekur nga koronavirusi.
Pas rëndimit të gjendjes shëndetësore Arifi ka lajmëruar se ndodhet nën kujdesin e mjekëve në Spitalin e Nishit.
Postimi i Shqiprim Arifit:
“Të nderuar qytetar të Komunës së Preshevës
Kam obligim moral të ju njoftoj se jam në gjendje të rëndë shëndetësore dhe gjindem momentalisht nën përkujdesjen e ekipit mjekësor në Spitalin e Nishit. Edhe pse kam kryer disa ditë më parë testin për Corona me rezultat negativ, ndërkaq kam pasur përkeqësime të shëndetit dhe jam detyruar të shtrihem në Spital.
Ju përshëndes të gjithëve. Shtoni kujdesin të gjithë, ruani veten dhe familjen”, ka shkruar kryetari i Luginës së Preshevës, Shqiprim Arifi./Gazetareforma.com/
