Pavarësisht periudhës së vështirë që ka krijuar pandemia, qeveria e Kosovës edhe pse në zhurmën e zgjedhjeve të parakohshme, ka një plan konkret, real për rimëkëmbjen e arsimit në kohë pandemie.
Qeveria në detyrë e Kosovës, ka mbajtur sot mbledhjen e saj ku ka marrë vendim për ndarjen e 3 milionë eurove për Ministrinë e Arsimit për mbarëvajtjen e vitit shkollor gjatë pandemisë.
“Paraqes propozim-vendimin për ndarjen e mjeteve për disa organizata buxhetore për të ndarë shtesa për muajin shkurt dhe mars për disa kategori. 3 milionë euro ndahen nga 5 milionëshi që e kemi ndarë nga fondi për rimëkëmbjen ekonomike te Ministria e Arsimit për mbarëvajtjen e virit shkollor, kjo është shtesa e parë e cila do të paguhet në muajin shkurt. Kjo përfshinë të gjithë personelin që janë të angazhuar në arsimin primar dhe sekondar”, ka thënë Bajrami.
Bajrami ka theksuar se ka bërë të ditur po ashtu se për muajt shkurt dhe mars edhe për zyrtarët policorë do të ndahen 700 mijë euro, për zjarrfikësit 180 mijë euro, për punëtorët në qendra sociale 78 mijë euro, për profesionistët shëndetësorë 100 mijë euro, për punëtorët teknikë për shërbimin e pastrimit dhe sigurimin e institucioneve shëndetësore 160 mijë euro.
Nëse sjellim në vëmendje Shqipërinë dhë situatën që është krijuar në sektorin e Arsimit, do e kuptojmë qartë se qeveria jonë nuk ka dështuar vetëm në menaxhimin e përgjithshëm të pandemisë.
Veç denoncimeve të herë pas hershme që janë bërë nga opozita për mungesë termometrëash e dezinfektantësh në ambientet shkollore, mësimi në Shqipëri vijon të jetë online. Ndërkohë Kosova pak ditë më parë lajmëroi hapjen e auditorëve për studentët dhe nxënësit e shkollave të mesme.
Në mungesë të një plani konkret rimëkëmbjeje në arsim dhe jo vetëm, në Shqipëri, ndryshe nga Kosova, vijohet me auditorët bosh dhe probleme thelbësore të zhvillimit të arsimit online.
