Është mbajtur sot mbledhja e parë e Komisionit Hetimor Parlamentar për Koncesionet në Shëndetësi, si ai i sterilizimit dhe ai i check up-it, të cilët po ashtu janë nën hetim edhe nga organet e Drejtësisë.
Mbledhja është shoqëruar me debate mes socalistëve dhe demokratëve, teksa kryetarja e komisionit, deputetja Albana Vokshi ka publikuar listën e dëshmimtarëve që do të merren në pyetje deri me 10 qershor për këto dy koncesione si edhe kalendarin e punës së hetimi.
Pjesë e listës janë kryeministri Rama, ministrja Manastrilu, ish-ministri Beqaj e një sërë emrash të tjerë.
“Sugjeroj që mbledhja e dokumentacionit të behet brenda datës 5 prill, shqyrtimi i dokumentacionit brenda datës 20 prill. Pyetje e dëshmitarëve të bëhet brenda datës 10 qershor, analizimi i akteve dhe dokumenteve brenda datës 25 qershor. Shqyrtimi përfundimtar dhe mbyllja e hetimit brenda datës 15 korrikut. Prezantimi brenda datës 20 korrik”, tha Vokshi.
Në mbledhjen e sotme, u zgjodh edhe Sekretari i Komisionit Hetimor Parlamentar, i cili do të merret me çështjet administrative. Në atë pozicion është zgjedhur deputeti i PS-së, Klevis Xhoxhi, ku të 15 anëtarët e komisionit kanë votuar pro, asnjë kundër dhe asnjë abstenim.
LISTA
1-Edi Rama
2-Ilir Beqaj
3-Ogerta Manastriliu
4-Shkëqlim Cani
5-Anila Denaj
6-Albana Kociu
7-Klodjan Rjepaj
8-Geraldina Prodani
9-Ortaket dhe administratorët e të dy koncesionarëve
10-Nisma Thurje; Endri Shabani, Pano Soko, Artan Koni
11-Drejtuesit e qendrave spitalore universitare që nga nisja e zbatimit të dy komisioneve
12- Drejtorët e Fondit të Sigurimit të detyrueshem që nga firmosja e kontratave deri në zbatimin
13-Kryetarët dhe anëtarët e komisioneve për dhënien e koncesioneve
14-Anëtarët e KPP që kanë trajtuar ankimimet
15-Drejtuesit e Agjencisë së Prokurimit Publik
16-Avokatura e Shtetit
17-Çdo person që ka dijeni rreth objektit të hetimit dhe që rezulton i përfshirë nga shqyrtimi i dokumentacionit zyrtar
Mirëpo, Vilma Nushi dhe Klodian Allajbeu mbetën të paprekur, sepse nuk do japin llogari as para këtij komisioi edhe pse morën 10.6 milionë euro pa bërë asgjë.
Vetëm Vilma Nushi me koncensionin korruptiv të kontrollit shëndetësor checkup ka marrë 7.6 milionë euro nga buxheti i shtetit pa bërë asgjë.
Nuk bëhet fjalë për një vjedhje të thjeshtë, por për një korrupsion historik me përmasa të frikshme, që tejkalon inceneratorët.
Më pas vjen oligarku Klod Allajbeu me koncensionin korruptiv të hemodializës, ku pritet të fitojë mbi 70 milionë euro.
Allajbeu ka marrë rreth 3 milionë euro pa bërë asgjë, madje 500 mijë USD i ka marrë pa nisur shërbimin për të sëmurët nga veshkat.
Duket e çuditshme se si SPAK, megjithë këto fakte ulëritëse, nuk e ka goditur ende oligarkun, për të cilin thuhet se ka nisur lëvizjet për t’u arratisur bashkë me thasët me para.
Kujtojmë se Komisioni Hetimor për Shërbimin Publik të Sterilizimit dhe Shërbimit Publik të Check-Up në Shëndetësi mori 95 vota pro, një abstenim dhe asnjë kundër të enjten e kaluar në Kuvend, teksa ishte pjesë e marrëveshjes mes mazhorancës dhe opozitës që riktheu normalitetin në Kuvend.
