UASHINGTON
Shtetet e Bashkuara të Amerikës vazhdojnë që të raportojnë shifra të larta të të vdekurve dhe të të infektuarve, nga koronavirusi.
Gjatë 24 orëve të fundit, SHBA ka raportuar 1076 persona të vdekur nga Covid-19 dhe 51 443 të infektuar.
Shifrat zyrtare të institucioneve amerikane flasin për 5 248 854 raste me koronavirus, ndërsa 167 110 njerëz në Amerikë kanë ndërruar jetë tashmë nga Covid-19.
Ndërsa, në të gjithë botën janë infektuar deri më tani zyrtarisht mbi 21 milionë individë, nga të cilët mbi 756 persona kanë vdekur nga virusi.
OBSH dhe organizata të tjera shëndetësore globale kanë bërë thirrje për respektim të masave ndaj koronavirusit.
Zyrtarët më të lartë të shëndetësisë dhe ekspertët sugjerojnë që njerëzit në botë të mbajnë distancën sociale dhe maskat në fytyrë.
Shumë shtete kanë ngritur alarmin, duke thënë se një valë e dytë e koronavirusit mund të ishte shkatërrimtare.
Ndër të tjera, ky virus ka sjellë edhe pasoja ekonomike e sociale, teksa autoritetet më të larta ekonomike në botë përcjellin shifra dramatike sa i përket papunësisë dhe rritjes së varfërisë në glob.
