Edhe kryetarja e LSI-së ka frikë nga koronavirusi. Për këtë shkak ajo ka njoftuar shtyrjen e një aktiviteti shumë të rëndësishëm të LSI-së. Kryemadhi e bëri publike në një deklarate për median se nuk do të bëhet Konventës Kombëtare Zgjedhore të Lëvizjes Socialiste për Integrim që do të zhvillohej të shtunën.
“Me përgjegjësinë dhe autoritetin që më jep statuti i partisë, si Kryetare e Lëvizjes Socialiste për Integrim, deklaroj se kam vendosur të shtyj për në një kohë tjetër mbajtjen e Konventës Kombëtare Zgjedhore të Lëvizjes Socialiste për Integrim, e parashikuar të mblidhej më datën 5 dhjetor 2020;”
“Shkak, është përkeqësimi i vazhdueshëm i situatës prej pandemisë së shkaktuar nga koronavirusi covid -19 dhe efektet e mëdha negative të ndikimit të tij jo vetëm në jetën e gjithsecilit prej nesh, por edhe në të gjithë jetën e vendit”, sqaroi Kryemadhi.
/GazetaReforma.com/
