Koronavirusi një sëmundje sa e padukshme aq edhe e pabesë, duket se ka hyrë në “luftë” edhe me Zotin. Ky virus “pozitiv”, nuk po toleron as klerikët e lartë të Shqipërisë.
Pas Kryepeshkopit të Kishës Ortodokse, Anastas Janullatos dhe Arqipeshkvit Katolik të Tiranë-Durrësit, George Frendo, edhe Myftiu i Shkodrës, imam Muhamed Sytari, mësohet se është prekur nga virusi pak ditë më parë.
Por në lidhje me forcën e infektimit, mësohet se gjendja e Myftiut të Shkodrës është rënduar orët e fundit, ndaj është vendosur që ai të dërgohet për kurim të specializuar në Turqi.
Më herët, në Turqi u dërgua edhe babai i tij, gjithashtu i infektuar me Covid-19.
Edhe Imzot Frendo dhe kryepeshkopi Janullatos, nuk kanë qëndruar në Shqipëri për kurim të mëtejshëm. I pari është dërguar në Bari të Italisë, kurse kreu i Kishës Ortodokse, në Athinë, Greqi.
/GazetaReforma.com/
