Koreja e Jugut ka aprovuar vaksinën COVID-19 të zhvilluar nga AstraZeneca dhe Universiteti Oxford për të gjithë të rriturit, pavarësisht shqetësimeve për mungesën e të dhënave për efektivitetin e saj tek të moshuarit. Ministria e Sigurisë së Ushqimit dhe Barnave dha përdorim urgjent për vaksinën me dy doza të Mërkurën, por vetëm me kusht që prodhuesi i ilaçeve Britanike-Suedeze të sigurojë rezultatet e provave të saj aktuale të fazave të vona për të rriturit 18 vjeç e lart. Ministria ka lëshuar gjithashtu një paralajmërim paraprak në lidhje me vaksinimin e personave më të vjetër se 65 vjeç. Injektimet e vaksinës AstraZeneca, e para që miratohet për përdorim në Korenë e Jugut, do të fillojnë në 26 Shkurt.
Kufijtë e përdorimit të vaksinës AstraZeneca
Disa vende evropiane, përfshirë Gjermaninë dhe Francën, kanë përdorim të kufizuar të vaksinës AstraZeneca për njerëzit midis 18 dhe 64 vjeç për shkak të të dhënave të pamjaftueshme për marrësit e moshuar.
Dyshime të mëtejshme rreth vaksinës AstraZeneca u ngritën të Dielën kur Afrika e Jugut pezulloi fushatën e saj të vaksinimit pasi një studim i ri zbuloi se vaksina ishte më pak efektive kundër një varianti të virusit të gjetur në vend. Ministri i Shëndetësisë i Afrikës së Jugut Zweli Mkhize njoftoi të Mërkurën se do të fillojë innjektimin e punonjësve të saj të kujdesit shëndetësor në vijën e parë me vaksinën me një dozë të gjigandit farmaceutik me bazë në SHBA Johnson & Johnson . Vaksina Johnson & Johnson nuk është miratuar zyrtarisht për përdorim nga asnjë vend, por kompania thotë se rezultatet e një studimi klinik në fazën e vonë tregojnë se është 85% efektiv në parandalimin e sëmundjes serioze, madje edhe kundër variantit të Afrikës së Jugut.
VOA
