Edhe në Greqi numri i të infektuarve dhe viktimave nga Covid-19 po rritet çdo ditë e më shumë dhe për këtë qeveria ka vendosur që të marrë masa kufizuese për të parandaluar përhapjen e mëtejshme të virusit.
Kryeministri i Greqisë, Mitsotakis ka njoftuar ditën e sotme se mbyllja kombëtare do të nisë ditën e shtunë në orën 18:00 dhe do të zgjasë deri në 30 nëntor. Masat do të jenë të ngjashme si ato të muajit mars por me disa ndryshime pasi shkollat fillore do të vazhdojnë mësimin por në institucionet e tyre.
Masat që do të jepen:
Kopshtet dhe shkollat fillore do të jenë të hapura.
Gjimnazet dhe liceet do të mbyllen.
Përdorimi i një maskë është universale në të gjitha lëvizjet.
Shkollat speciale të të gjitha niveleve gjithashtu do të qëndrojnë të hapura .
Lëvizja do të bëhet me SMS.
Ndalimi do të jetë më orë policore nga ora 21:00 deri në 05:00 të mëngjesit.
Sallonet e bukurisë dhe dyqanet e shitjes me pakicë do të mbyllen.
Shërbesat fetare do të mbahen papraninë e adhuruesve.
Farmacitë, furrat e bukës dhe supermarketet do të qëndrojnë në hapura.
Ndërkohë kujtojmë se Greqia ka bërë të detyrueshme përdorimin e maskës në vende të mbyllura dhe të hapura. Kryeministri grek ka deklamuar se qeveria ka menduar edhe për të gjithë punonjësit, që do t’ju pezullohet aktiviteti këto 2 muaj për shkak të pandemisë dhe për të papunët. Mitsotakis është shprehur se punonjësve që do u pezullohet puna do t’ju jepen 800 euro si ndihmë nga shteti, ndërsa të papunëve 400 euro.
