Deputetja e Partisë Demokratike Ina Zhupa në rrjetin e saj social në facebook ka reaguar në lidhje me Konventën e Bernës ndaj Shqipërisë.
Zhupa i bën thirrje qeverisë që të heq dorë nga shkatërimi i zonave të mbrojtura.
Ajo mbështet qëndrimin e Konventës së Bernës për ndalimin e punimeve në zonën e mbrojtur të aeroportit të Vlorës.
Sipas Zhupës, opozita ka ngritur dy shqetësime kryesore, të cilat janë konfirmuar nga Konventa e Bernës.
“Aeroporti Ndërkombëtar të Vlorës po shndërrohet në një mekanizëm shkatërrimi për zonën e mbrojtur Vjosë- Nartë dhe rrezik për zhdukjen totale të saj.
Ligji i ri i Zonave të Mbrojtura, që tashmë më 1 nëntor e kam dërguar në Gjykatën Kushtetuese me mbështjetjen e kolegëve demokrat, është qartësisht minues i çdo zone të mbrojtur duke hapur rrugën për ndërtime të pakufizuara kudo, në çdo cep dhe me çdo lloj ndërhyrje. E kthen Shqipërinë në një vend pa zona të mbrojtura. Kudo ku i vënë gishtin një ndërtues, një investitor strategjik, një oligark apo klient i pushtetit, mund të ndërtojë. Ky është shqetësim tashmë i konfirmuar edhe Konventa e Bernës.
Mania e kësaj qeveria për të shkatërruar dhe vjedhur çdo gjë nuk ndalet dhe kur marrëveshjet ndërkombëtare e ndalojnë dhe kur institucionet ndërkombëtare shprehen haptazi kundër.
Vetëm bashkarisht mund ti ndalim!”, shkruan Zhupa.
