Presidenti i Republikës, Ilir Meta, u ka rrëzuar një tjetër ligj të rëndësishëm të maxhorancës qeverisëse, atë “Për metrologjinë”, i cili do të nënte kontrollimin e pompave të naftës dhe gazit në pikat e tregtimit me pakicë dhe shumicë.
Meta e ka rrëzuar këtë ligj me pretendimin se ai krijon hapësira për të zhvilluar praktika korruptive që janë në dëm të qytetarëve dhe konsumatorëve.
Ligji “Për metrologjinë”, kaloi nga Kuvendi më 15 tetor, por Presidenti Meta e konsideroi edhe këtë si anti-kushtetues dhe që shkel parimet e tregut të lirë dhe konkurrues.
Në arsyetimin e tij të gjatë që i ka nisur Parlamentit dhe qeverisë, Meta shton se, ligji krijon hapësira për të zhvilluar praktika korruptive që janë në dëm të qytetarëve.
Sipas tij, edhe pse ligji ka për objekt kontrollimin ndaj pompave të gazit dhe të naftës, në pikat e karburanteve, mund të kryhet nga privati pa një procedurë të qartë dhe të mirëpërcaktuar ligjore të përgjegjësisë.
Kështu mbyll, sipas Metës, çdo hapësirë për kontrollin dhe monitorimit nga shteti.
Për këtë ligj, Meta i ka bërë thirrje edhe SPAK-ut që të nisë hetimet, se kush ka bërë të mundur që kjo nismë të shohë dritën në Kuvend.
/GazetaReforma.com/
