Zbardhen detaje të reja në lidhje me ngjarjen e ndodhur në Fier ku një grua denoncoi bashkëshortin e saj se i ka rrëmbyer fëmijën. Mësohet se bashkëshorti e ka kërcënuar se nuk do ta shohë më kurrë fëmijën.
“Më nxirr të shoh pak vajzën”, ka qenë kjo fjalia që 43-vjeçari G.Sh i ka drejtuar bashkëshortes së tij, e pasi e ka takuar është larguar bashke me fëmijën e mitur, pa thënë se ku do të shkonte, madje duke i thënë se “nuk do ta shohësh më kurrë”. Sipas burimeve çifti ka probleme mes tyre dhe ngjarja ka ndodhur teksa 38-vjeçarja Sh.Sh ka qenë tek prindërit e saj në fshati Vjosë dhe ka pasur me vete edhe fëmijën e mitur. Ndërkohë bashkëshorti i saj, ka shkuar pranë banesës dhe ka marrë fëmijën e mitur, pa deklaruar se ku do të shkonin. Një fakt i tillë ka sjellë dyshime tek 38 vjeçarja, e cila e ndodhur në Fier i është drejtuar policisë së këtij qyteti duke bërë edhe denoncimin për bashkëshortin e saj, banor në Fushë Krujë. Menjëherë ka nisur puna për gjetjen e 43 vjeçarit, bashkë me vajzën e mitur, ku po punohet në zonën e Fushë Krujës, aty ku edhe çifti banon.
