Një 29-vjeçar është arrestuar në Durrës pas një konflikti që ndodhi ditën e djeshme, gjatë të cilit ai qëlloi me armë gjahu në ajër, me qëllim kanosje.
Po ashtu, është arrestuar dhe një 26-vjeçar, ndërsa një tjetër person, kushëriri i tij, është shpallur në kërkim, pasi ka goditur me sende të forta 29-vjeçarin.
Ngjarja ndodhi pasditen e djeshme në lagjen nr. 15 të Durrësit, për motive të dobëta. Pas konfliktit, 29-vjeçari, i cili kishte një armë gjahu pa leje, e përdori atë për të kanosur të dyshuarit.
Arma u sekuestrua nga policia.
Hetimet vijojnë për zbardhjen e rrethanave të plotë të ngjarjes, ndërsa 26-vjeçari dhe kushëriri i tij janë kapur, ndërsa 35-vjeçari, i cili ka goditur 29-vjeçarin, është shpallur në kërkim.
