Ish-ambasadorja e Kosovës në Shtete e Bashkuara të Amerikës, Vlora Çitaku ka reaguar lidhur me konfliktin Izrael-Palestinë. Nëpërmjet një postimi në rrjetet social Çitaku shkruan se i ka parë me shqetësim deklarimet e të tjerëve karshi konfliktit midis dy shteteve dhe ka shtuar se sipas saj Izraeli ka të drejtë të mbrohet nga sulmet e organizatave terroriste.
Ajo ndër të tjera ka shtuar se vende si Tel Avivin, Jerusalemini, Ramallahun etj i ka vizituar nga afër. Gjithashtu ajo është shprehur se është takuar zyrtarisht shumë herë me përfaqësues të lartë të Izraelit dhe Palestinës. Po ashtu ajo shton se nga ky konflikt, po vdesin civilë të pafajshëm izraelitë dhe palestinezë.Çitaku shprehet se autoritetet e Kosovës, duhet të dënojnë sulmet e sponzorizuara nga organizatat terroriste Hamas dhe Hezbollah që po rrjedhin si pasojë e konfliktit izraelito-palestinez.
Postimi i Çitakut:
Thënë të drejtën, ua kam lakmi atyre të cilët me kompetencë deklarohen për konfliktin mes Izraelit dhe Palestinës.
Kam vizituar disa herë zyrtarisht Tel Avivin, Jerusalemin, Ramallahun etj. Jam takuar zyrtarisht shumë herë me përfaqësues të lartë të Izraelit, si dhe me përfaqësues Palestinez (përfshirë Arafatin).
Konfliktin në Lindje të Mesme, e veçanërisht atë ndërmjet Izraelit dhe Palestinës, nuk e përcjelli në Facebook & Tëitter.
E përcjelli pak më thellë. Nuk jam tifoze.
Megjithatë, nuk i jap vetes të drejtë të deklarohem me kompetencë për këtë çështje!
Tash, pa interpretime, këto janë faktet:
1) Hamasi dhe Hezbollah janë organizata terrorise. Synimi i tyre është zhdukja e Izraelit.
2) Civil të pafajshëm, Izraelit dhe Palestinez, po vdesin si pasojë e luftimeve.
Izraeli ka të drejtë të pakontestueshme të mbrohet nga sulmet e organizatave terroriste. Sulmet e vazhdueshme të cilat këto organizata i sponzorizojnë duhet të dënohen nga Republika e Kosovës.
