Një përplasje mes dy banorëve në zonën e Alliasit në Tiranë ka përfunduar me të shtëna armësh mëngjesin e sotëm.
Sipas të dhënave paraprake, konflikti ka nisur për motive të dobëta dhe ka degraduar në të shtëna me armë.
Dyshohet se shtetasi Korado Teodori, 38 vjeç, ka qëlluar me armë dhe ka plagosur në këmbë shtetasin Sandrino Baci, 31 vjeç. I plagosuri është dërguar me urgjencë në spital dhe ndodhet jashtë rrezikut për jetën.
Forcat e policisë kanë ndërhyrë menjëherë në vendin e ngjarjes dhe po vijojnë kërkimet për të lokalizuar dhe arrestuar autorin.
Ndërkohë, po kryhen hetime për të zbardhur rrethanat e plota të konfliktit.
