Ditën e sotme do të mblidhet Konferenca e Kryetarëve në kryesinë e Kuvendit. Në këtë mbledhje do të diskutohet për draftprogramin dhe draftkalendarin e punimeve të Kuvendit për periudhën 27 nëntor-22 dhjetor.
Ashtu siç u mësua dhe dje, në draftkalendarin e punimeve për këtë periudhë është edhe marrëveshja e firmosur mes Italisë dhe Shqipërisë për strehimin e emigrantëve të ardhur nga Afrika.
“Për ratifikimin e protokollit, ndërmjet Këshillit të Ministrave të Republikës së Shqipërisë dhe Qeverisë së Republikës Italiane, për forcimin e bashkëpunimit në fushën e migracionit”, i depozituar nga Këshilli i Ministrave në datën 17 nëntor.
Pas shqyrtimit në komisionet parlamentare, do kalojë në Kuvend për tu votuar. Kujtojmë se kjo marrëveshje u firmos nga Rama dhe Meloni në Romë më 6 nëntor duke rënë dakord që në Shqipëri të ndërtohen dy qendra për strehimin e emigrantëve. Deri më tani thuhet se ata do vendosen në Shëngjin dhe në Gjadër të Lezhës.
