Gjykata Kushtetuese vendosi dy ditë më parë që të pranonte pjesërisht kërkesën e Partisë Republikane lidhru me lejimin e tubimeve elektorale. Për këtë GjK i vendosi afat Komitetit Teknik të Ekspertëve, për të rishikuar edhe njëherë masat që lidhen me këtë pikë.
Në datën 9 mars Gjykata Kushtetuese vendosi si më poshtë:
“Gjykata Kushtetuse e Republikës së Shqipërisë, mori në shqyrtim në seancën plenare të datës 02.03.2021 çështjen me kërkues Partia Republikane e Shqipërisë, më objekt: “Shfuqizimi si i papajtueshëm me Kushtetutën i urdhrit nr.633, datë 17.11.2020 të Ministrisë së Shëndetësisë dhe Mbrojtjes Sociale”.
Në përfundim të shqyrtimit, Gjykata Kushtetuese, me shumicë votash. Vendosi:
-Pranimin pjesërisht të kërkesës,
-Shfuqizimin e shprehjes “deri në një urdhër të dytë” në pikën 1 të urdhrit nr.633, datë 17.11.2020 të Ministrit të Shëndetësisë dhe Mbrojtjes Sociale.
-Detyrimin e organit kompetent të rishikojë kohëzgjatjen e kufizimeve, brenda një jave nga shpallja e këtij vendimi.
Vendimi përfundimtar do të shpallet i arsyetuar brenda afateve ligjore të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë,” i ndryshuar,” thuhet ne vendimin e Gjykates Kushtetuese
Afati që Kushtetuesja i vendosi Komitetit Teknik për rishikimin e masave ishte data 16 mars, por Komiteti nuk ka dashur ta marr parasysh këtë afat.. Zv/ministrja e Shëndetësisë, njëkohësisht edhe kryetarja e Komitetit, e ka parë “të arsyeshme” që t’i përgjigjet kërkesës së Gjykatës në 26 mars, pikërisht në nisjen e fushatës elektorale për zgjedhjet e 25 prillit.
“Komiteti Teknik i Eksperteve mori sot në shqyrtim edhe vendimin e Gjykatës Kushtetuese e cila na sugjeronte që të vendosnim një afat për masën që kemi propozuar në lidhje me numrin e grumbullimeve. Komiteti i ekspertëve e quan të arsyeshme dhe pas 2 javësh do vlerësohet dhe kjo si dhe masat e tjera”, tha Rakacolli. Pavarësisht funksionit si organ këshillimor e përgjegëjs për shqyrëtimin e situatës së pandemisë në vend, Komiteti Taknik del mbi afatet ligjore të vendsura nga Gjykata.
Gazeta Reforma denoncoi edhe ditën e djeshme uljen e testimeve nga Ministria e Shëndetësisë me qëllim moskufizimin e mëtejshëm të masave për t’i lënë rrugë fushatës zgjedhore. Ndërkohë, numri i vdekjeve ka qenë i lartë ditë pas dite, me 146 fatalitete vetëm javën e fundit.
