Ditën e sotme është mbedhur Komiteti i Energjisë për diskutimin lidhur me rritjen e çmimeve.
Ministrja e Energjisë dhe Insfrastrukturës, Belinda Balluku ka theksuar se nuk do të ketë ndërprerje të furnizimit me energji në familjet shqiptare. Gjatë mbledhjes Balluku gjithashtu tha se pavarësisht vështirësisë së krijuar nga mungesa e reshjeve, qeveria shqiptare do të vazhdonte të importonte energji elektrike duke mos ndërprerë furnizimin për familjet shqiptare.
Balluku: “Energjia nuk do të mungojë për qytetarët. Qeveria ka marrë përsipër që të mbulojë shpenzimet e shtuara për shkak të importit për biznesin e vogël. Ne do të vazhdojmë të mbështesim këto biznese. Pavarësisht kushteve të motit, ne do të vazhdojmë të mos hasim mungesa në energjinë elektrike. Derisa në kasakadën e Drinit ne të kemi një nivel të ri të prurjeve, detyrimisht do t’u drejtohemi importeve.
Menaxhimi i bërë nga KESH është i mirë. Jemi treguar të kujdesshëm nga blerjet dhe i kemi njoftuar qytetarët se kush janë çmimet që përballemi kur dalim në tregun ndërkombëtar. Pra kjo situatë po menaxhohet dhe KESH është në gatishmëri.
Sot po menaxhojmë një nga krizat më të mëdha. Për asnjë moment nuk kemi lënë mënjanë agjendën tonë me reformat para se kjo krizë të niste. Do të vazhdojmë me investimet. Viti i tretë që kemi ngurtësuar investimet. Ndryshimi nga viti 2013 ku gjysma e energjisë shkonte në humbje sot kemi zona në Shqipëri që janë bërë investime me një humbje vetëm 4%. Zonat jugut janë më të rëndësishme, janë rritur kapacitetet dhe duhet t’i përgjigjemi asaj zone me energji elektrike. Ne po menaxhojmë krizën, po mbrojmë konsumatorët nga rritja e çmimeve dhe për asnjë moment nuk kemi lënë mënjanë axhendën e sektorit energjetik.”
