Evi Kokalari, mbështetësja e Berishës, ka paralajmëruar Lulzim Bashën që të lirojë zyrën deri më datë 5 janar, afat që iu la nga grupi i Rithemelimit ose në të kundërt sipas Evi Kakalarit do ta nxjerrë policia me forcë. Ajo u shpreh se kreu i PD, Lulzim Basha do të përfundojë në një mënyrë të shëmtuar.
Kokalari u shpreh:
Lulzim Bashën duhet ta nxjerrë nga zyra policia. Ish-Kryesia e PD-së kanë një mllef, që e shikon kudo, në parlament, në intervista, e shikon tek gratë si reagojnë. Basha nuk duhet të harrojë se ka përdorur fjalor të turpshëm ndaj anëtarëve të Partisë Demokratike. Basha dhe ata që janë aty vazhdojnë të bëjnë lojën e tyre. Lulzim Basha do të përfundojë në një mënyrë që do të jetë shumë e shëmtuar në radhë të parë për vetë atë. Basha ka bërë pazare me Ramën. Ne duhet të lëmë budalliqet e të huajve, sepse të huajt e kanë krijuar problemin. Ne duhet të fokusohemi te problemet që kemi në shtëpinë tonë. Ju e keni parë mbështetjen që ka z.Berisha në Amerikë.
Ndërkohë sot në mbledhjen e parë të Këshillit Kombëtar të PD që pas kuvendit të 18 dhjetorit, ka pasur emërime të shumta në poste të ndryshme të këtij organi. Ndërsa gjatë mbledhjes ka pasur edhe diskutime mes të pranishmëve, teksa deputeti demorkat, Ervin Salianji është shprehur që në PD duhet të rikthehej gara dhe vota dhe jo emërimet pas 18 dhjetorit.
