Këshilli i Lartë i Prokurorisë ka miratuar kërkesën e Arben Krajës, për të futur në SPAK, Vladimir Marën dhe Dritan Prençin.
Gjatë mbledhjes së KLP u regjistruan 9 vota pro dhe një kundër, për emërimin e tyre.
Me Marën dhe Prençin, SPAK është plotësuar me 10 anëtarë, ashtu siç e kërkon Kushtetuta.
Kjo kërkesë e Krajës erdhi për shkak të njohjes së mirë të disa dosjeve nga Mara dhe Prençi.
Këta të fundit kanë pasur në dorë dosjet më të nxehta politika.
Mara ka hetuar ish-kryebashkiakun e Durrësit, Vangjush Dakon, në dosjen “339”.
Ndërkohë Prençi ka hetuar ish-ministrin e Brendshëm, Saimir Tahirin për lidhjet me grupin e Habiljave.
Mara dhe Prençi kaluan me sukses vettingun, por për shkak të pikëzimit të ulët, nuk mundën dot të bëheshin pjesë e SPAK.
