Ministri i Turizmit Blendi Klosi ishte sot në Prishtinë, ku nënshkroi një marrëveshje turistike me palën kosovare.
Ai është takuar sot në Prishtinë me presidentin edhe me Kosovës Hashim Thaçi ku dhe konsumuan diçka së bashku.
Por harruan diçka, respketimin e këshillave të ekspertëve për distancimi fizik 2 metër.
Edhe Kosova njësoj si Shqipëria po përjeton një rritje të madhe të numrit të infektuarve me koronavirus gjatë këtyre ditëve, por me sa duket për Klosin dhe Thaçin diçka e tillë nuk përbën problem.
Në fotot e publikuar nga vetë politikanët Klosi dhe Thaçi vihet re mos respektimi i masave mbrojtëse ndaj COVID-19.
Ata shihen ulur pranë njëri-tjetrit dhe pa maska mbrojtëse, sjellje këto të kundërta me ato që thonë ekspertët.
Respektimi i distancimit fizik dhe mbajtja e maskës janë elementët parësorë që duhen respektuar sipas ekspertëve.
Aktualisht në Shqipëri numri i të prekurve nga COVID-19 ka arritur në 1838, ndërkohë që rastet shtohen çdo ditë.
Kosova në anën tjetër numëron 1916 të prekur dhe 83 raste të reja përgjatë 24 orëve.
