Gazetari Ermal Mulosmani në një shkrim paralajmëronte se televizioni kombëtar Top Channel, përmes emisionit Inside Story, po shantazhon biznesmenin e fushës së shëndetësisë Klodian Allajbeu.I njëjti biznesmen, të cilin vetëm pak kohë më parë i njëjti televizion na e shfaqte si histori suksesi.
Por, me emisionin dedikuar Allajbeut do të mësojmë nëse ai është biznesmeni i suksesshëm apo oligarku i Shëndetësisë?
A po e përdor media këtë si informacion që është në interes të publikut, apo jo?
Një temë shumë e mirë, kur bëhet fjalë për degradimin e sistemit shëndetësor, mirëpo a është nisur Topi nga interesi publik mbi këtë ngjarje? Këtë nuk e dimë, ama vlen të ktheksohet se shantazhi mediatik është biznesi më fitimprurës në Shqipëri.
Nga ana tjetër qëndron fakti se raportimi për skandalet në Spitalin Amerikan janë bërë thuajse të pamundura, pasi dyshohet se ai ka lidhje të forta me pronarët e mediave.
Klodjan Allajbeu sot është gati t’i mbyllë gojën kujtdo, edhe medias duke paguar sektorë periferikë të saj për të shënjestruar këdo që i nxjerr të palarat.
Mirëpo, Allajbeu nuk ndalet këtu! Ai është kryetar i Dhomës së Tregtisë së Mbretërisë së Bashkuar në Tiranë. Sipas tij dhoma e tregtisë do të luajë një rol kyç në intensifikimin e marrëdhënieve tregtare mes Anglisë dhe Shqipërisë si dhe do të mbështesë fuqishëm projekte lidhur me edukimin për tu dhënë më shumë mundësi të rinjve për një të ardhme më të mirë.
Por a do ndihmojë kjo dhomë në lehtësimin e pengesave që hasin bizneset shqiptare në Angli?
Duket se të gjitha po i bën për interes personal, pasi mund ta përdorë këtë pozicion që të pasrojë lekët e tij në Angli përmes biznesit. Edhe pse parimisht krijimi i një dhome tregtie nuk është për kryetarin por për lehtësimin e dy palëve në hapjen e një biznesi!
