Policia e Fierit ka vënë në pranga ditën e sotme një 57-vjeçar pasi u zbulua se kishte mbjellë kanabis.
Në njoftimin e policisë thuhet se shtetasi me iniciale F. T. 57-vjeç kishte mbjellë kanabis në oborrin e shtëpisë së tij në fshatin Zhupan.
Ndërkohë materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.
Njoftimi I policisë
Evidentohet dhe goditet një tjetër rast i kultivimit të bimëve narkotike.
Vihet në pranga autori i dyshuar.
Shërbimet e Policisë Fier, në vijim të kontrollit të pandërprerë të territorit, me qëllim evidentimin dhe goditjen e atyre personave që tentojnë të kultivojnë bimë narkotike, gjatë kontrollit në fshatin Zhupan, Fier, në oborrin e banesës së shtetasit F. T., 57 vjeç, kanë kanë konstatuar të kultivuara bimë narkotike canabis sativa.
Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.
