Një 28-vjeçar nga Kruja është arrestuar ditën e sotme nga Policia pasi dyshohet se kultivonte bimë narkotike.
Në një njoftim për mediat, blutë bëjnë me dije se gjatë operacionit kanë sekuestruar disa kubikë të kultivuar dhe pas kontrolleve në banesa kanë gjetur edhe fara kanabisi.
Sakaq, gjatë kontrollit, shërbimet e Policisë gjetën në oborrin e banesës së shtetasit I. C., 80 vjeç, banues në Larushk, fidanë e kubikë të kultivuar me fara kanabis sativa, por për shkak të moshës, shtetasi i moshuari u procedua penalisht në gjendje të lirë.
Materialet i kaluan Prokurorisë së Rrethit Gjyqësor Krujë, për veprën penale “Kultivimi i bimëve narkotike”.
Njoftimi i policisë
Krujë
Vijon kontrolli masiv në terren, për parandalimin e kultivimit të bimëve narkotike.
Vihet në pranga një 28-vjeçar dhe procedohet në gjendje të lirë një shtetas tjetër.
Sekuestrohen në cilësinë e provës materiale fidanë e kubikë të kultivuar me fara cannabis sativa.
Shërbimet e Komisariatit të Policisë Krujë, në vijim të kontrollit masiv për parandalimin dhe goditjen e kultivimit të bimëve narkotike, arrestuan në flagrancë shtetasin B. C., 28 vjeç, banues në fshatin Larushk, Fushë Krujë, pasi gjatë kontrollit në oborrin e banesës së tij, u gjetën të kultivuar fidanë të dyshuar canabis sativa.
Po gjatë kontrollit, shërbimet e Policisë gjetën në oborrin e banesës së shtetasit I. C., 80 vjeç, banues në Larushk, Fushë Krujë, fidanë e kubikë të kultivuar me fara cannabis sativa. Për shkak të moshës, shtetasi I. C. u procedua penalisht në gjendje të lirë.
Materialet i kaluan Prokurorisë së Rrethit Gjyqësor Krujë, për veprën penale “Kultivimi i bimëve narkotike”.
