Ditën e sotme dy amerikanët Paul Milgrom, 72 vjeç dhe Robert Wilson, 83 vjeç morën çmimin nobel për Ekonominë, pasi puna e tyre inovative u përdor në veçanti për alokimin e frekuencave të telekomit.
Por duhet të kujtojmë se çmimi Nobel në shkencat ekonomike nuk është një nga çmimet origjinale të Nobelit dhe u dha për herë të parë në vitin 1969.Pasi ishte Banka Qendrore Suedeze ajo që e krijoi këtë çmim në vitin 1968 në kujtim të Alfred Nobelit, shpikësit të dinamitit, i cili caktoi çmimet në kimi, mjekësi, fizikë, letërsi dhe paqe, që janë dhënë që nga viti 1901.
Meqenëse çmimi i ekonomisë u caktua veçmas, ai ka qenë i diskutueshëm. Fondacioni Nobel nuk e njeh zyrtarisht si një çmim Nobel, por e përcakton atë si çmimin e Bankës Qendrore Suedeze, Sveriges Riksbank. në Shkencat Ekonomike në kujtim të Alfred Nobelit. Vlera e tij është sa çmimet e tjera, që këtë vit ishte 9 milion korona (908 000 dollarë).
Fakte të tjera për çmimin në ekonomi:
– Çmimi është dhënë çdo vit që nga viti 1969. Deri në vitin 2019, u është dhënë 84 personave.
– Deri në vitin 2019, janë dhënë 25 çmime për fitues individualë, 19 për grupe me nga dy persona dhe shtatë çmime për grupe me nga tre persona.
– Dy gra kanë fituar këtë çmim, Esther Duflo në vitin 2019 dhe Elinor Ostrom në 2009.
– Pjesa më e madhe e fituesve kanë qenë amerikanë.
– Fituesja me e re në ekonomi ka qenë franko-amerikania, Esther Duflo, 46 vjeç.
– Më i vjetri, polako-amerikani i lindur në Moskë, Leonid Hurwicz, 90 vjeç kur fitoi në vitin 2007.
– Esther Duflo dhe Abhihjit Banerjee ishin çifti i parë i martuar të cilët fituan çmimin në vitin 2019.
– Asnjë nga fituesit e ekonomisë nuk ka fituar çmimin më shumë se një herë.
– Makroekonomia është fusha më e zakonshme e kërkimit për fituesit e ekonomisë.
