Këto janë 55 aktivitetet që do të vijojnë të jenë të mbyllura

Duke parë ecurinë e koronavirusit në vendin tonë, me urdhër të qeverisë, një sërë biznesesh do të rifillojnë sot aktivitetin.

Të gjithë këto biznese, duhet të respektojnë rregullat e përcaktuara nga Ministria e Shëndetësisë, për parandalimin e përhapjes së COVID-19.

aktivitetet-e-hapura

Megjithë janë ende 55 biznese, të cilat do të vijojnë të jenë ende të mbyllura.

Kryesisht bëhet fjalë për aktivitete në fushën e tregtisë me pakicë dhe shërbimet.

Në mesin e tyre janë dyqanet e pakicës, si tregtia e veshjeve sportive, e lodrave, këpucëve, bimëve, farave plehëruese, ushqimit të kafshëve shtëpiake, orëve, bizhuterive, pajisjeve të telekomunikacionit, pajisjeve audio dhe video, mobiljeve etj.

Njëkohësisht, të mbyllur do të vijojnë të jenë edhe transporti hekurudhor, urban, detar, ajror dhe aktiviteti i taksive.

Kafet dhe lokalet po ashtu vijojnë të jenë të mbyllura, ndërsa kujtojmë se kryeministri Edi Rama është shprehur se këto aktivitete, do të fillojnë punë të fundit.

Dentistët nuk lejohen gjithashtu, ndërsa janë daluar edhe shfaqjet artistike, apo përdorimi i strukturave dhe pajisjeve artistike për krijimtari.

Bibliotekat do të vijojnë të jenë të mbyllura, si dhe të gjithë vendet dhe ndërtesat historike për vizitorët.

Gjithashtu nuk ka mundësi për të bërë palestër, apo për t’u kujdesur për trupin e fytyrën.