Ditën e sotme në Këshillin e Lartë Gjyqësor, ka nisur intervistimi i kandidatëve për Gjykatën e Lartë.
Kandidati i parë ishte Sokol Sadushaj, me eksperiencë të gjatë në sistemin e drejtësisë.
Ai u shpreh se zgjodhi të garonte për pozicionin në Gjykatën e Lartë, për të dhënë kontribut në fushën e së drejtës administrative.
“33 vite pune në sistemin e drejtësisë, si prokuror, avokat, jurist ne administrate, anëtar i gjykatës Kushtetuese, hartues ligjesh. Procesin e nisa për një motiv të fortë, të jap kontribut në fushën e së drejtës administrative”, tha ai.
Më tej ai shtoi, se sfida e parë e tij është që këtij institucioni, t’i jepet legjitimiteti.
“T’i jepet legjitimiteti këtij institucioni. Legjitimitetin e kësaj gjykate e do opinioni publik. Gjykata e Larte nuk ka nje strategji. Unë dhe koleget do ta hartojmë nje strategji. Njësia e shërbimit ligjor mund te ndihmoje ne uljen e fluksit te madh te dosjeve”, pohoi ai.
