Këtë fundjavë përgatituni për të parë një fenomen mahnitës, i cili njihet si fenomeni i Hënës së Dëborës.
Ky fenomen do të bëjë që Hëna të jetë 14% më e madhe dhe 30% më e ndritshme se zakonisht ditën e dielë, më 9 shkurt.
Për të parë këtë dukuri nuk nevojitet asnjë pajisje, pasi mund të shihet me sy të lirë dhe shfaqet në momentin kur Hëna ndodhet në pikën më të afërt të orbitës së saj me Tokën.
‘Hëna e dëborës’ përkon me periudhën më të ftohtë të vitit: muaji shkurt.
Çfarë thotë legjenda për këtë fenomen?
Para shumë kohësh, kjo periudhë e vitit ishte shumë e vështirë për njerëzit, pasi ata nuk arrinin të siguronin ushqim mjaftueshëm për të përballuar dimrin.
Përveç të ftohtit, ata përballeshin edhe me urinë, që në këtë periudhë ishte edhe më e madhe.
Rrjedhimisht, detyroheshin që të dilnin natën për gjueti, kur koha zbutej paksa dhe drita e fortë e Hënës u vinte në ndihmë që mos të rrezikoheshin.
Çfarë thotë shkenca për këtë fenomen?
Sipas NASA-s, fenomenet e Hënës kanë emra të veçantë që nga viti 1930, ndërsa emri për Hënën e Dëborës u prezantua në vitin 1979 nga astrologu Richard Nolle dhe prej asaj dite mban këtë emër.
