Ashtu sikurse ishte paralajmëruar në muajin janar është hapur platforma e Këshillimit Kombëtar për Shqipërinë. Me një pyetësor drejtuar çdo shqipitari, në Shqipëri apo në botë po zhvillohet një kuvendim popullor, ku merret mendimin i qytetarëve mbi çështje me rëndësi strategjike për vendin, ekonominë, shoqërinë.
Në lidhje me ketë platform ka pasur plemika të shumta ku Gjergji Vurmo, hulumtues nga “Instituti për demokraci dhe ndërmjetësim”, për “A2 CNN ” komentoi pyetësorin e publikuar nga kryeministri Edi Rama, ku kërkon mendimin e qytetarëve për një sërë çështjesh.
Sipas Vurmos, “në pyetësorin e përgatitur nga qeveria nuk shoh as kriterin më minimal të respektuar, qoftë në hartimin e pyetësorit, qoftë në konceptimin e mënyrës se si do të zhvillohet ky pyetësor”.
Ai thekson se nuk ka në seksion demografik, ku të anketuarit të pyeten në lidhje me të dhëna të tilla si mosha apo statusi i punëismit, që të kuptojmë se kampioni që ka plotësuar pyetjet është përfaqsues I popullësisë shqiptare.
“Kryeministri e ka nisur shpërndarjen derë më derë, ndërsa të tjerë do ta plotësojnë “online”. Anketa apo sondazhi nuk ka një seksion demografik, ku pyeten të anketuarit se kush janë, mosha, statusi i punësimit etj., gjë që na bën të kuptojmë nëse ky kampion është përfaqësues i popullsisë shqiptare. Sepse mund të qëllojë që këta që e kanë plotësuar deri tani pyetësorin, të jenë nga rrjeti i patronazhistëve”, u shpreh Vurmo.
Kujtojmë që Këshillimi Kombëtar me qytetarët, është nisma më e fundit e qeverisë.
Kryeministri Edi Rama, me anë të një postimi në rrjete sociale, shpreh falenderimin për 23.456 personat që janë përfshirë, duke plotësuar pyetësorin online.
Më tej, kreu i qeverisë i bën thirrje qytetarëve që të bëhen pjesë e një kuvendimi popullor, që kanë të bëjnë me çështje me rëndësi strategjike.
