Pas shkarkimit nga KPK për pasuri të pajustifikuar, ish-prokurorja Rovena Gashi kërkoi rikthimin e saj në detyrë para Komisionit të Posaçëm të Apelimit, ku si ndihmëse ligjore paraqiti motrën e saj, juristen Ema Gashi.
Por kërkesa për asistencë ligjore nga motra e saj është rrëzuar nga Komisioni ditën e sotme. Rovena Gashi, e cilësuar si ish-krahu i djathtë i ish-kryeprokurorit Adriatik Llalla, është këshilluar nga KPA që të zgjedhë një avokat nëse e vlerëson të nevojshme.
Ndërkohë, seanca e radhës për çështjen e shkarkimit të saj është përcaktuar më 23 prill.
Gjatë seancës së sotme, motra e ish-kryeprokurores, Ema Gashi, ka patur një debat në sallë me komisionerët, të cilëve u ka kërkuar llogari përse vëzhgues i ONM-së nuk ishte Mia Rosning siç ishte lajmëruar, por ishte Theo Jacobs
