Punonjësit e stacionit të pomopimit dhe atij elektrik, kanë dalë në protestë.
Prej 27 muajsh ata nuk kanë marrë rrogën, ndërsa gjendja e tyre ekonomike është përkeqësuar.
Punëtorët kërcënojnë se do të lënë punën, duke rrezikuar të lënë pa ujë Mallkastrën dhe uzinën e naftës në Ballsh.
Këta punëtorë varen nga uzina e naftës, punëtorët e së cilës kanë 4 muaj pa marrë rrogat.
Punëtorët u kanë nisur një shkresë institucioneve lokale, teksa kërkojnë ndihmën e shtetit.
Përveçse nuk janë paguar, punëtorët nuk kanë firmosur as kontratë pune.
Kujtojmë këtu se pak ditë më parë, punëtorët e uzinës së Ballshit dolën në protestë para Prefekturës së Fierit.
Ata kërcënuan me protestë deri në Tiranë, nëse nuk i jepet zgjidhje problemit të tyre.
