Kryeministri polak Donald Tusk tha sot se kishte marrë kërcënime pas atentatit ndaj homologut të tij sllovak, ndërsa një media raportoi se masat rreth sigurisë së kryeministrit polak do të rriteshin. Atentati ndaj tij, dyshohet se është i motivuar politikisht. Incidenti shkaktoi reagime të forta ndërkombëtare dhe thirrje për një lehtësim të tensioneve politike.
Atmosfera politike në Poloni ka mbetur e tensionuar vitet e fundit, duke rezultuar për shembull në vrasjen e një kryebashkiaku liberal të qytetit të Gdansk në vitin 2019, i cili ishte kritik i politikave anti-imigruese të Ligjit dhe Drejtësisë (PiS) në atë kohë në pushtet. Faqja e internetit polake Wp.pl raportoi sot, duke cituar një burim në shërbimin e mbrojtjes shtetërore, se masat e sigurisë së Tusk do të forcohen pas atentatit ndaj Ficos.
“Sigurisht, ne analizojmë dhe nxjerrim përfundime, por nuk flasim për to publikisht,” tha Ministri i Brendshëm polak Tomasz Siemoniak, sipas Wp.pl
