Punonjëset e një fasonerie në qytetin e Vlorës janë ngritur ditën e sotme në protestë.
Sipas informacioneve, ato po protestojnë për kushtet e papërshtatshme të punës dhe për mungesën e sigurimeve shoqërore.
“Nuk kemi përfaqësuar vetëm veten tonë, por kemi përfaqësuar gjithë vajzat që punojnë në fasoneri. Dje na kanë bërë telefonata kërcënuese”, shprehet njëra prej protestueseve.
“Njeri i papërgjegjshëm në punë me shoqet tona. I parespektueshëm. Fjalor të ndyrë flet. Kushtet janë skandaloze. Unë do vete në autoritetet më të larta. 390 mijë lekë marr unë dhe bëj 3 procese, nuk e përballoj dot jetesën. Sigurimet vajtën 1 vit e 8 muaj pa paguar. Duan ta mbyllin, të na paguajnë, çfarë na detyrohen”, tha njëra protestuese.
“Nuk kam gojë të flas, kur flas më bërtasin. Dua të më ngrihet rroga për aq sa punoj”, tha një tjetër protestuese.
“Ai të ofendon në mënyrën më të keqe. Ne nënshkruajmë atje, Altini nuk ka të drejtë të ofendojë punëtoret. Të zë korendi, ty stë paguhet asgjë. U vrave, në të sëmës nuk ke vajtur thotë ai”, tha një tjetër protestuese.
