Këngëtarja e njohur, Shkurte Gashi ka kohë që është shkëputur nga rrjetet sociale dhe jeta e saj profesionale.
Pasi projekti i fundit muzikor që ajo ka publikuar është ai në bashkëpunim me Brunon me titull “Jetën tënde”.
Por për këtë ‘zhdukje’ të saj këngëtarja ka një arsye shumë të fortë dhe në të njëjtën kohë edhe të bukur. Mediat kanë mësuar se Shkurte është në pritje të fëmijës së parë dhe pritet që shumë shpejt ta sjellë në jetë.
Burime pranë “Prive.al” kanë bërë të ditur se këngëtarja është në 10-javëshin e fundit të shtatzënisë dhe pritet të bëhet nënë e një djali. Po të njëjtat burime kanë treguar se kjo ka qenë dëshirë e këngëtares për ta mbajtur të fshehtë këtë lajm dhe pritet ta ndajë pak ditë më vonë me disa fotografi që do publikojë në rrjete sociale.
Shkurte Gashi është treguar gjithmonë shumë e rezervuar për jetën e saj private, ndaj presim që më vonë ajo të zbulojë detaje të tjera rreth këtyre zhvillimeve të fundit.
